=======- مين قال انتى زيهم ============= #######################################
.مين قال انك زيهم
مش زيهم
ولازى البنات اللى مالى عبهم ضحك وسهر
انتى القمر اللى يِصحى فى العيون
يكتب غناوى للمصلوبين على جسر القدر
يكتب غناوى للمصلوبين على جسر القدر
انتى الحمام اللى ساعة مغربيه
يهرب لاقربها غيه
يرمى دفا النهار فى صدور صبيه
يمسح ملامح حزنهم بادين عفيه
فيضيع تعب الانتظار
ويتمدد على بابنا نهار
يصد جيوش الهم والاشرار
مش زيهم
مين قال انك زيهم
انتى الربيع اللى يغزل شمسهم
ايد بتلم فرحة عمرهم وتنسج خيوط حلمهم
نبضةرضا وحنان بتتهجى الامان
ولقا يشبك نجومهم بقمر فرحهم
شوق مغزول باامل يضمهم
انتى الندى فى الصبح بيلمهم
يغسل براح جرحهم
مش زيهم
عيونك غير كل عيون البشر
فى الليل كنت اسهر على ضيهم
احلم بقلوب ما تعرفش الوجع
ترطب القلب الحزين
اللى سافر لشطوط بعيدة بس ما رجع
مش زيهم
يا بنت عمرى اللى اتوجع
من يوم ما غبتى
قلبى ما عاد جدع
————————محمد عبد المقصود داود-
مجلة نداء الرؤح لفرسان الكلمات 