الو
ايوه
مين معايا
وانت مالك
انت طالب مين
لأ انا واقفة بسند الحيط
خايف اكون ازعجتك
جنابك نايمة ولا فايقة
اه اصلي بكلمك وانا في الاحلام
بتعملي ايه دلوقتي
برد عليك يابو المفهومية
وقبل شوية كنت بتعملي ايه
كنت بركض عشان اشيل السماعة وارد عالمتصل
ومين بقى اللي كان متصل بيك
الله انت عبيط ولا ايه
حضرتك اللي بتكلمني
اه صحيح والله
انا نسيت اني بكلمك
عايزه اعرف بقى
انت عايز مين
وايه الرقم اللي انت طالبه
يافندم
انا طالب الرقم ست وستتين وتلات ستات
ومعاهم ست اضافية
انت غلطان ياحضرة
طب عن اذنك ممكن اعرف ايه هو الرقم اللي بتكلميني منه
يافالح انا بكلمك من رقم
خمسة وخميسة ومعاهم خمسة بعيون الشيطان
الله يامدام انت بتهزري معايا
امال انت بتقول ايه
فيه خط هاتف اللي قلت عليه
ست وستتين وتلاث ستات ومعاهم ست اضافية
يظهر اني غلطان في النمرة
اكسكيوزمي برضون يامدام
بسيطة مع السلامة
يجعل سكتك سكة ندامة
سكة اللي تودي ماترجعوش
باي باي يام لسان طويل
اسكت بقى يابو ديل طويل
وقفلت السكة
ومعرفتش هو مين
ولا هو عايز ايه
ازعجني والله
اصلي مابحبش الكلام كتير
وبكره اللت والعجن عاالتلفونات
وماعنديش وقت اضيعه
اصلي مستعجلة
عايزة اكلم الجارة من عالبلكونة
المهم النمرة طلعت غلط
عارف البديوي
كل التفاعلات:
١ايمان ناصر
مجلة نداء الرؤح لفرسان الكلمات 