######################################=
========================= – عشان عينيكى تزهر ==
############################################=
ح اسحب الحلم اللى دفانى فى الشتا
واقفل شبابيك القمر
واستنظر عيونك واقول متى
مين اللى توهنا عن بعضنا
نسانا نحط ايدينا على كتف السما
نسرق من الليل النجوم
ونخطف من الارض النما
كل الورود والشجر بتزهر
عشان عينيكى تزهر
واشم ريحه الربيع
واسرح فى حلمى البديع
الورد فى خدودك سبق الفصول
بكل حروف الود رسول
حتى همس الجناين وسحرها كان عجول
يحضن كل معانى الوصول
هدهدالجرح اللى كان ناوى يثور
طبطب على صخر الامتثال بشىء مجهول
جرت ينابيع كنا فاكرينها خمول
العمر كان جفت بحوره
والخريف كان مد جذوره
نسايم صيفك اللى هلت
صحت فى العمر الحزين زهوره
تنهيد وفرح واندهاش لنوره
احض الموج اللى صحى الشط
اسمع الشعر اللى عبى الخط
غنى مع العصفور اللى نط
تتبدل تفاصيل وملامح بلا حد
ارجع كما الطفل الوليد مشتاق لود
مشتاق لايد تحض ايدى بجد
بااخاف ان غبتى وطل البعد
اخاف ليكون طريقى سد
واخاف من لحظة اعيش بدونك
وتكونى مع اى حد
كنت باصحى مع نور عيونك
نور وطهر ونغم بلا عد
دلوقت باحسب السنين
يمكن حبل الودتانى يمدد
======================محمد عبد المقصود داود
مجلة نداء الرؤح لفرسان الكلمات 