سهوكة فلاحي Zenab Seleem

سهوكة فلاحي

■●■●■●■●■●■●■●■

فرحانة بسهرك بالليل ..؟؟

ترقصي وتغني ف مواويل

فكرتيه مغرم ….. ومتيم

وانتي يادوبك كنتي بديل

عايشة حياتك ف الأوهام

كان نفسك يوم م الأيام

تتخطي حدود … الأحلام

او تكسري عينه … بجميل

ويوماتي عشانه بتتنازلي

لجل تنسيه … حبه الأزلي

وليلاتي ترصي له كلام

وبتصحي م النوم تتصلي

حسستيه انه سي السيد

ويوماتي عليكي يتسيد

فكرتيه بحبك … متقييد

لما خيبتك صبحت أصلي

فكرتي روحك … من ناسه

واتحكمتي ف قلبه وراسه

انتي ولا ليكي وزن وسعر

ويا دوبك له كنتي مداسه

كان وخدك له بس مسكن

واحدة وسايقها . بتتمسكن

ولا عمرها منه …. هاتتمكن

ويكون لها قيمة … بأساسه

لفيتي عليه لجل يشوفك

حكيتيله قصصك وظروفك

وسهر يكتبلك ……. اشعار

كان ناقص يدفع مصروفك

اوقات بيملك ……. وبيهرب

ويروح على غيرك ويجرب

ولمليون واحدة ….. بيقرب

ولا همه زعلك … او خوفك

وأما تقولي ….. السكر عالي

لجل انه يجيلك ….. طوالي

وتسوقي طوب الأرض عليه

انك مقهورة …….. وبتلالي

بيحس بروحه ….. فلانتينو

مع انه ……. فلاح وبطينه

واللي حواليه مش طايقينه

ودماغه ومخه …… عجالي

Zenab Seleem

عرض الرؤى

معدل وصول المنشور: ٩

كل التفاعلات:

١ايمان ناصر