أدهم عبده مجلى
أدهم العوضى
★★★★★
اغنية إحساسى من جوه
أدهم عبده مجلى
أدهم العوضى
★★★★★
ياما اتمنيتك فى خيالي وعشقت هواك
معرفش انا ايه اللى جرالى خلانى انساك
يمكن طبعك مبقاش هوه
معرفش ده إحساسي من جوه
وانا كل ما اقرب فيه قوه
بتقولى سيبيه أنا مش عايزاك
★*★*★*★
أنا كنت زمان بأحلم إنه
من سنى اوأكون من سنه
ولكل الناس بأسأل عنه
معرفش ده ايه ولا بأعمله ليه
اتاريه مش حاسس ولا داري
وسايبنى لوحدى انا فى نارى
وبأداري وأخبي فى اسراري
لو حلم جميل طب ليه اداريه
علشان طبعه مبقاش هوه
معرفش ده إحساسي من جوه
وأنا كل ما اقرب فيه قوه
بتقولي سيبيه وأنا مش عايزاه
★*★*★*★
ده الحب قدر مكتوب فى جبين
ميكونش لواحد للاتنين
لو اخد وعطا كده متساويين
مش واحد يأخد ولا يديش
مش صيده فى بحر بسناره
ولا بيعه بمكسب وخساره
يا اللى انت واخدها كده شطاره
ابعد روح يللا متلزمنيش
علشان طبعك مابقاش هوه
معرفش ده إحساسي من جوه
وأنا كل ما اقرب فيه قوه
بتقولي سيبيه أنا مش عايزاك
ياما اتمنيتك فى خيالي وعشقت هواك
معرفش انا ايه اللى جرالى خلانى انساك
★★★★★
أدهم عبده مجلى
أدهم العوضى
كل التفاعلات:
١١
مجلة نداء الرؤح لفرسان الكلمات 