==================== —العودة من الحلم ===== ########################################
ادينا رجعنا من الرحلة
اللى ما كات يوم سهله
مسكتى فى ايد غير ايدى
نسيتى تنهيدك وتنهيدى
ونظرة عين تزيد .. ودى
انا وانتى
ادينا رجعنا من الرحلة
ولا كان فى تفكيرى
تنقول الدنيا كاتبه لنا
نجمع فى المسا اوجاعنا
نعيش العمرعلى ذكرى
واحلام تيجى ترجعنا
نتعب فى الزوايا والحفر
,و تهزمنا المسافات
ولا ننسى مين باعنا
والعمر راح
وخوفنا ضيعنا
نميل نسند على عكاز
وصورة قديمة فى برواز
وضعف يسرق عزيمتنا
و حالة وصعب تودعنا
وننهج فى ساعةاللقا
نحضن رايات سنين الشقا
ولسه الامل فى الروح له نسمة تجمعنا
اوعى الدموع تهزمك
الكل شايفك هرم
خليكى فارس لسه ما انهزم
ما حد راح يخدمك
وادينا رجعنا من الرحلة
سنين عميه ..عقول جهله
داست حلمنا بلا رحمه
وفاكرينها كدا سهلة
==================محمد عبد المقصود داود===
مجلة نداء الرؤح لفرسان الكلمات 