،،،،خلاص إنسي،،،،

بقلم/أحمد سيد

فهد الصحراء

،،،،خلاص إنسي،،،،

رجعت تحن من تاني

لماضي خلاص انا نسيته..

مكان ملكك وبين إيدك

كسرت القلب ورميته..

ده كان يهمل وكان يقسي وانا أنسي

عشان والله حبيته..

بنيتلك قصر جوا القلب

لكن ياخساره هديته..

عاديت الكل علشانه

وفوق الأهل بديته..

وكان الحضن ليه شاطئ وليه مرسى

وبرمش عيني غطيته…

وكان تايه في وسط الموج

انا بإيديا نجيته..

وكان مهموم من الأحزان

لكن بحناني نسيته..

وجاني جناحه كان مكسور

عالجت الكسر داويته..

ولما خلاص بدأ يقوي

لاف على غيري وجرحني

بعد ما عشقته وهويته..

راجع تقول انا حنيت لحب زمان

خلاص أنسي ده كان

ماضي وانا نسيته..

بقلم/أحمد سيد

فهد الصحراء