قافلة صفحة
وسايبه الصورة
تحكى تقولى لسه مسامحه
مسامحه سنينى ويا سنينك
مسامحه دنيا سارقة منا فرحه
معايا شايفك زى ماكنتى
طفله وسايبه شعرها من غير طرحه
طفله بريئه
وفى لحظة جريئة
تمسك ايديا تقولى دقيقة
كل ملامحك لسه فاكرها
كل خطوط الوش عارفها
رغم سنين العمر القاسية
قاتلة حلم العمر وناسية
انك جوا القلب فى كل شوارعه وناصية
مهما نغير فى ملا محنا
صوتك سامعه من اخر لحظة
شايل حبى وطالع بره
حتى مشاعرك حاسس بيها
وكأننا اول مره
قافلة الصفحة وسايبه الصورة
تحكى مشاعر كات مكموره
تحكى اول لحظة جريئة
اول نبضة تبنى حقيقة
تكشف فينا احلى دقيقه
فجاءة انطلقت فى لحظة جريئة
ايوه بعدنا بعيد بعديها
لما ظروفنا خصمت بعضيها
بس قلوب عايشه مصالحة
نبضة بنبضة والله مسامحه
كنتى احلى حروف اتغنت جوا قصيده
حاجة قديمة وحاجة جديده
رغم الفاضل منا ذكرى بعيده
كنت الحلم اللى ح يخرج برا
وانا فارس راكب فرسى
ومش عاجز كنت الحلم اللى يطول ليالينا
واقول فايز
والقاكى ولو على ناصية حلم وجايز
اهرب باخر نظرة جوا العين
واكتب فى الدفتر سطرين
وارسم طير بجناحين
نهرب لاخر لحظة سعيدة
يمكن نكتب للحلم ميلاد بنظرة جديدة
ونزرع وردة جوا قصيدة
ونغنى انتى وانا هناك
نهزم حزن عينيكى العايش جوا لحظة صعيبة عنيدة
تهزى نخل الصدق
ينزل طهر القلب
ونخرج من مهزلة العمر
قلبين بالطهر شايلين الحلم
وبكل الامنيات قلوبنا متجلجله
حرام يعيشوا العمر فى سلسله
ضمينى لاخر لحظة
وتعالى نهرب م الزلزله
طعم البعاد مر
امر م الكلام والاسئله
يا حلم عمرى المعجزه
خدى ايديا وشبكينى فى حلمك
وتعالى نهرب ويا حبذا
من غير نرفزه
==========================محمدعبد المقصودداود
كل التفاعلات:
١فهدالصحراء الجرئ
كَانَ النَّاسُ أُمَّةً وَاحِدَةً فَبَعَثَ اللَّهُ النَّبِيِّينَ مُبَشِّرِينَ وَمُنْذِرِينَ وَأَنْزَلَ مَعَهُمُ الْكِتَابَ بِالْحَقِّ لِيَحْكُمَ بَيْنَ النَّاسِ فِيمَا اخْتَلَفُوا فِيهِ ……)
مجلة نداء الرؤح لفرسان الكلمات 