… بير العبد …
وصلني جوابك يمه وريحتك فيه
أه يمه الوجع جوه راسي بيدور
وصدري ضايق مع وسع الجبال والدور
وتايه رغم ان واقف وايدي ع الزناد والقلب محصور
والوجوه قصادي اتلخبطت بس بإذن الله منصور
متقلقيش يمه الحق جاي لو تروح الروح
هدايه ولدك اسد بس الاسد مجروح
وطمني اهل البلد وقولي الولد من كلامكم انجلد
وبأذن الله هتسمعوا أخبار جديده هبعتهالكم يوم ماينزل سند
تشفي الصدور وتقولوا رفع راسنا الولد
دا وطني يمه ومش اي وطن
مصر الحبيبه وسط الغضب
نموت وتحيا .. ابنك اسد ..ابنك اسد ..
…. ابنك هدايه .والسلام …
… الرد …
وصلني جوابك ياولدي
وفضلت اشمه وضمه …
يا حته من قلب امه ….
متزعلشي ياولدي …فالجواب اللي فات قسيت عليك ….
بس من حزني وهمي
أهل البلد بيسلموا عليك وبيقلولك متزعلشي
لوله حبهم وعشمهم ..عشان كده لاموك
لكن والله ياولدي عمرهم .. ما كرهوك
انتم جنودنا وعنينه اللي بيها بنشوف
بس يا هدايه الفاجعه كبيره والامر مكشوف
المهم ..عاملين ايه واحشني ياواد بس اقول ايه
ربنا يحفظكم انت وزمايلك والقايد بتاعكم احمد بيه
سلملي عليه
…امك ام هدايه … والسلام ..
بقلم .. علي عيسي ..
٢ارق ملاك وعامر الدليمي
تعليقان
أعجبني
تعليق
إرسال
فيقصاص مينالواقيع♡
