هي حيرة
ولا غيرة
ولا إحساسي اختلف
كل يوم بشتاقلك اكتر
والغريبه لما ببعد
أقرب اكتر
مقدرش اخبي بعترف
شيء غريب لما أغمض
ترسمك كل الحروف
ولما أحس غربة
انادي عليك ارجعي
تقولي معلش الظروف
طب لما منعاك الظروف
او أي غيرة
او أي خوف
كنت ليه من البداية
علمتيني الغرام
وكنت ليه بتدوقني
حب وهيام
هو يعني عشان نحب
لازم لحظة لقاء
معها مليون لحظات خصام
عارفه …..
لالا متعرفيش
ماانت لو عارفه غلاوتك
كنت عني متغربيش
قولي راجعة
قولي والله بقلبي
فاهمه شوقك وسامعة
انا جوا إحساسك بعيش
انا نبضك وشريانك
كل اللي فات منك
انا باقي أيامك
انا كل أحلامك
وغيرك انت في الدنيا
والله ياقدري ماليش
وزي ماتتشوق
بتشوق انا اكتر
وكل ماافتكرك
والله بتذوق
بريحه العشق والعنبر
اعذرني مشتاقه
زيك كمان وأكتر
وبعدك عني علي عيني
انا كلي جوايا بيتكسر
بحسك حلم في منامي
بحسك حرف في كلامي
ولما اصحي
اشوف حروفك و اشعارك
ألاقي حلمي يتفسر
احمدعبدالحق
مجلة نداء الرؤح لفرسان الكلمات 