قصيدة : وصال الاحبه . .17/ 1/ 2020
بقلم الشاعر : حسن حلمى
عد الحروف
بين السطور
وانت هتعرف

اد ايه فات مننا
يمكن يومين
او فات سنين

بس الحنين بيضمنا
ياللى العيون
تشتاق لقاك

مستنينك من سنه
قولى انت فين
واوصل اليك

تلمس ايدينا تضمنا
لمسة حنان
زى زمان

ايام ما كنا لبعضنا
قربك وفا
حضنك دفا

نظرة عينيك
نظرة امان
همس وحنانه يضمنا

مهما تغيب
عنا العيون
صورتك ما تبعد عننا

لسه القلوب
على وعدها
مستنين يوم القا

متقولش يوم
ولا يومين
خلى الحنين جوه القلوب

يبعد ويرجع بالوفا

               بقلم الشاعر : حسن حلمى