أحبال الهوا م/ محمد بدوى ابو العلا
كفايه وفوق بقا م الخيال
ونزل من ع الكتف الجبال
والهموم المتحمله زى التلال
واللى برك من حملها كل الجمال
والحقيقه اللى ساكنه قلبك
طلعت وهم وشئ م المحال
لسه شايل وهم يحرق جوه منك
قلب متعلق بالحبال
الضعيفه واللى م الهوا دايبه
وبتتمزع م الهوا وتايكه
إصحى م الوهم اللى عايشه
واللى حاسه واللى شايفه
إن الحقيقه طلعت ف الآخر سراب
ومهما تحلف ع الكتاب
مش هتغير شئ م العتاب
وخسارة القلب اللى داب
مهما تحلف ع الميه تجمد
مش هايصدق كلمه بجد
ولا راح يسمع كلمه لحد
ومهما تقول إن كيانى جوه إتهد
مش هايصدق
أصله ما إتعلمش يفرق
بين الكدب وبين الصدق
وكلمة حق
لييه الحق …… مايصدقش
أصله ماشافش
غير كل كلامك مابتصدقش
وهو اتعلم وانت مصر ما تتعلمش
م/محمد بدوى أبوالعلا
مجلة نداء الرؤح لفرسان الكلمات 