ألف سلامة شاعر الحب ايمن العوضي
ألف سلامة عليكى يا طيبة
وحشانا وطالت دى الغيبة
دانتى شبابك
داب فـ ترابك
رغم غيابك
برضه حبيبة
ألف سلامة عليكى يا طيبة
يا حــبيبة دا غيابك طـــال
هــاغزلك من عرقى الشال
وهــاغـنيـلك كـــام مــــوال
مــانتى الـحب
ونبض القلب
برغم الغلب
دا حاجة غريبة
ألف سلامة عليكى يا طيبة
حبيتك بالــطول والـــعرض
وها نفضل بنصون العرض
دانتى غرامك سنة وفــرض
هازرع طينك
وأحفظ دينك
واطوي سنينك
وهاتفضلى في القلب قريبة
ألف سلامة عليكى يا طيبة
ألف سلامة عليكى يا سمرة
رايتك دايمــا عــــالية وحرة
مهما يحاولوا جوة وبرة
لمي شبابك
وافتحي بابك
واطوي عذابك
ما انتى تاريخك أصل وطيبة
ألف سلامة عليكى يا طيبة
ألف سلامة عليكى يا طيبة
وحشانا وطالت دى الغيبة
دانتى شبابك
داب فـ ترابك
رغم غيابك
برضه حبيبة
ألف سلامة عليكى يا طيبة 😯
مجلة نداء الرؤح لفرسان الكلمات 