رجل فقد عقله ( 122)
……………………..
ورضينا
النصيب والقسمه ..
وجفاف الحياة والنسمه
بان أصله إنه مطلي بقشره
ولا يسواش كمان …
ما باع الحياة والعشرة
تاه عقله في طينه ووحله
ألوانه اللي جايه دي كاحله
ولا هيشوف نهار …
دارينا الوجع بالبسمه
يشوفونا الوشوش مبتسمه
ظلمونا يا ما أحلى دي قسمه
ولا حاسين بنار …
لا الود اللي بينا حقيقه
ولا نظره عيونه بريئه
بان طيبته بحور وغريقه
ولا يوم كان أمان ..
يوم بعد يوم جواه بيبان
والقلب لابيض سود غربان
ده لا كان لا حيلته
وقزم ما بان كبرنا فيه …
بعد ما داق من الشهد وداق
عايش في دور روميو المشتاق
أتاريه مخبي في عقله وباء
صابغ في شعره ل 100 حواء
استاذ غرام لنيفين وولاء
وهلوما جرا ل ص مع باء
والجيب منفض ارض فضاء
يكونش حن لسن الواء
وعقله سف وجاب لوراء
خليك رجوله وسد ما شاء
ولا تبكي يوم تقلب لي هناء
وتغني لحن غباء في غباء
ترجع تقول ولا يوم لوفاء
بقلم .. صبري رسلان
مجلة نداء الرؤح لفرسان الكلمات 