كل يوم بتعلميني
يعني ايه الاشتياق
يعني ايه كل ماابعد
تلاقيني أقرب
مهما كان بينا فراق
عارفه بحس ايه
دم جوايا بيجري
عشق كل يوم يتولد
طول ماينبض وريدي
غصب عني إحساسي بيك
شيء إلهي ..مش بايدي
حتي الدمعة لماتنزل
تقول بحبك
اه يا عمري لو بايدي
أرسم حروفك يا غرام
قول كلمتك
افرش ورودك بانسجام
نزل دمعتك
يمكن تحس رغم البعاد
يعني ايه حنيتك
يعني ايه لما ابعد
او أقرب
والله تفرق معايا
قسوتك في القرب
عن البعد في رقتك
تفرق كتير نارك في حضني
حتي نارك هي هي جنتك
كل يوم أكتب حروفي
إطلع من بين الآهات
أخلع من جوايا خوفي
أتخيل بين دموع
يعني ايه طعم ضحكتك
يااطهر حته فيا
انت لسه عايشه بيا
وكل يوم بتعلميني
تفهميني
والأهم بتحتويني
بس نسيتي تعلميني
ازاي امسح همومي
وازاي إداري غيومي
وازاي أكتب حروفي
لما تنزل دمعتك
الخلاصه هو عشق
أيوه عشق هو
دأب في يوم بنظرة
بعترفلك
احترت والله في نظرتك
احمدعبدالحق
مصر
3/2/2020
مجلة نداء الرؤح لفرسان الكلمات 