شعر غنائى ..
(( القدس عربيه ))
القدس هتفضل عربيه .. ونا عربى أصيل مش هفيه ..

و فراق حبايبى الغوالى .. يعزوا كتير و الله عليا ..

لو بإيدى أرجع زمان .. يقولى مين باع و خان ..

الأرض إشتكت م إنس و جان .. و الأشبال هما الضحيه ..

     القدس هتفضل عربيه ..

القدس ف الأصل دى قدسى .. و الأقصى دا تالت حرمى ..

لو بالسيف قتلونى .. و حصل و سال دمى ..

أنا برضك جبل المحامل .. و إن قالوا عليا جاهل ..

مش هستسلم كده بالساهل .. و أسيب لهم وطنى و أسمى ..

     القدس هتفضل عربيه 

بأعلى صوت هأقف و أقول .. صاحب حق مش هخاف ..

الأقصى حلمى و القدس شرعى .. يا مسلمين العدل الإنصاف ..

أنا بلادى كل الأوطان .. انا إبن صلاح الإنسان ..

سلاحى سيف ذو بيان .. الله أكبر مافيش خلاف ..

     القدس هتفضل عربيه 

بقلم الشاعر …
محمد البريمى ..