أمانه يا والدى
من ديوان / راح الخوف
للشاعر / مصطفى فريد
ألف فاتحه اقراها على روحك يا والدى
أمانه عليك تبوس لي إيدين جدى
ذكراك بتزرع فى القلوب فرحة بسيرتك
يا أغلى أب عند كل الناس وعندى
جوه دمى عايشه صورتك أحلى ذكرى
ما أنت ضى العين وأنت النور لبكره
امتدادك بالامانه تلامذتك لساها فاكره
صوت ضميرك فى الامانه دليل وعبره
مشينا يابا فى دنيتك على خط سيرك
وفى حياتك كلنا عيشنا فى خيرك
لا اشتكيت الحمل ولا حضنك فارقنا
ويوم رحيلك كان أكيد مرتاح ضميرك
مش قادر اوصف جزء واحد من غلاوتك
ولا فيه كلام يقدر يعبر عن اصالتك
ياحبيت كل الغلابه حاربت علشانهم ديابه
ربيتنا على حب الصحابه والمهابه من مكانتك
علمتنى احب الحياه وازاى اكون انسان
وفوق خيوط الامل أغزل لبكره أمان
واحفظ كتاب ربنا ويهدينى للإيمان
رغم السنين إللى عدت لسانى بك انسان
مجلة نداء الرؤح لفرسان الكلمات 