رجعنا للمدارس
/////////////////////////
رجعنا ………للمدارس….. ورجعنا للدروس
والأب هايبقي حايس…. شايل هم الفلوس
م الفجر الأم صاحية
بتلف في كل ناحية
ولو نامت ….. .شوية …. الدنيا قوام تبوظ
ورجعنا….. للمدارس…… رجعنا …للدروس
………
والعيل يصحي.. نايم
يروح مدرسته صايم
لا بيشرب ……… اللبن….. ولا يأكل سندوتش
وفطاره يبقي شيبسي..ويضرب بعده….بيبس
……….
ويعشق ….. الكرانشي
وكمان مولتو.. يدوس
رجعنا….. للمدارس ………. رجعنا .. . للدروس
وياريت يرجع يذاكر
ويكون لدروسه فاكر
مايجيش يسقط ويقول أصل النجاح حظوظ
ورجعنا….. للمدارس……… رجعنا………للدروس
ولي الأمر 🌹 شرف الدين فاروق أحمد
مجلة نداء الرؤح لفرسان الكلمات 