* عام مضى*
للشاعر /صابر الشناوي
باقي ليالي قليله
ونطوي صفحه م الكتاب
إللي إ سمه عمرنا
متعلقين زي الورق
فوق النتيجه عالحيطان
زي الشجر وقت الخريف
وسط الغيطان
أوقات بنطير م الفرح
لو . لحظه حسينا بحنان
وكتير عنينا دبلانين
من البكا او سهرانين
بنشكي قسوه الزمان
متكحلين حسب الظروف
وكتر مداريه الهدوم
نضحك في عز المعمعه
والمجدعه وقت اللزوم
شفنا حاجات وقابلنا
ناس على كل لون
و؛شفنا ناس مجروحين
والدنيا فيها معلمه
نقري اللي مكتوب م الأزل
نحلم تملي بالأمل
اللي يحقق حلمنا
نقري حروف متسر سبه
تتعد دايما بالساعات
أو بالسنين او بالحنين
والعمر كله كام سنه
إحلم على قد السطور
وارضي بقسمه ربنا
بلاش تدور في الدروب
على حاجه مش مكتوبه ليك
قلل يا صاحبي م الذنوب
كله دين محسوب عليك
استر وداري في العيوب
اليوم دا ليك؛؛ وبكره عليك
مجلة نداء الرؤح لفرسان الكلمات 