كنا بنام خلف خلاف
ويدوب نتغطي بلحاف
والوابور شغال وسطينا
فرحانين بيه ومدفينا
لما بيتعمر بالجاز
يبقي احلا م البوتاجاز
بالابره نسلك الفونيا
ونضغط ع الكباس في ثانيه
وعود كبريت وشكاكه
يولع الوابور بشياكه
ونتجمع كلنا حواليه
ونشوف الاخبار فيها ايه
وتليفزيون ١٢ بوصه
مش تيك توك وناس مهووسه
ونشوف عالم الحيوان
وبرنامج العلم والايمان
والمحبه ماليا قلوبنا
والضحكه الصافيه ما بتسيبنا
وذكريات دايما فاكرينها
ومواقف حلوه حفظينها
كانت البنت لابسه قصير
والشاب طبعه ما يتغير
فيه احترام بين الطرفين
ولاد اصول متربين
للاسف اتغيرت الاجيال
وكلام تافه عيب يتقال
فين الشعبي والموال
فينك يا حجازي يا متقال
كلمات
اشرف مفيد
مجلة نداء الرؤح لفرسان الكلمات 