السبع بنات رواية / رضا الحسيني ج2( الحلقة18)
.. وقضينا أول يوم هذا لانحكي إلا عن حبنا ومستقبل حبنا .. وأحلامنا لبكرا واحنا سوا .. وكان هذا اليوم هو ميلاد أنوثتي
.. ومرت بنا الأيام على هذا النحو حتى تخرًج نُصحي من كلية التجارة .. ولم يمر الكثير من الوقت حتى جاء يخطبني مع أخته أم مصطفى وأخيه الأصغر .. وكانت المفاجأة الجميلة من بابا الحاج .. قرر يترك لنا هذه الشقة الكبيرة .. ويبني دورا جديدا يعيش هو وأمي وفريدة في شقة منه .. وكم سعدت كثيرا .. حيث ارتبطت أنا ونُصحي بهذه الشقة التي عشنا فيها أروع لحظات حبنا .. وكانت لنا ذكريات جميلة بغرفة المذاكرة التي شهدت مولد أنوثتي لأول مرة
_ حبيبي .. نفسك ف إيه واحنا باقي يومين بس على فرحنا
_ نفسي أكون كل بُكره بالنسبة ليكي ياقلبي
_ إنت ليه بتقول كده دايما .. مش أول مرة تقولهالي
أبدا حبيبتي .. بتمنى بس .. اطمن ياقلبي لايمكن حبك ده يتغير أبدا لحد ماأموت
_ بعد الشر عنك حياتي .. ماتجيبيش سيرة الموت كده تاني
..وكانت خطبتنا قرابة العامين حتى أنتهي من دراستي وأحصل على الدبلوم
_ ياحاجة .. مالك قاعدة كده لوحدك في البلكونة
_ أبدا ياحاج .. قاعدة بسبح وبستغفر ربنا ..وبدعيه عشان زينب بنتنا
_ مالها زينب ياحاجة ..خير .. فيها إيه
_ فيها إيه بس ياحاج .. البنت متجوزة أكتر من سنة ولسه مش باين عليها حاجة
_ أه صحيح .. الواحد انشغل بالمحل ومشاكل التموين واتلهيت خالص عنها
_ عارف ياحاج .. بفكر تاخدها معاك لأم عبده اللي عندكم بالسوق هناك جمب بيتكم ..
_ أه عارفها .. بس لسه بدري ياحاجة على الكلام ده .. الأول نروح لدكتور عبد المنعم بالأجزخانة زي مااتعودنا طول عمرنا .. هو بيفهم بكل حاجة ماانتي عارفة
_ اللي تشوفه ياحاج .. بس هتخلي سي فهيم يعرف ولا إزاي
_ مايعرف .. إحنا هنعمل حاجة غلط .. وبعدين ماهو ده عشانه برضو
.. ولعلمك بقى لازم يعرف .. إفرضي د عبد المنعم وصفله حاجة هو كمان
أو طلب يشوفه .. لالالا لازم يعرف من الأول أحسن
_ يافريدة .. إنتي يابنت ..
_ نعم ياماما الحاجة
_ إنزلي لأختك زينب خليها تطلع بسرعة ..
_ ليه .. ليه ياماما .. هو أخو أبيه نُصحي طلبني من بابا الحاج هههههه
_ شوف ياخويا البنت المفعوصة هتتجنن عالجواز إزاي .. إمشي يابنت من قدامي واندهي أختك بسرعة
_ أبلة زينب .. أبلة زينب ..إفتحي ..إفتحي ياأبلة
_ خير يافريدة .. تعالي .. مالك حبيبتي
_ مالي إيه ياابلة .. باين كده أخو أبيه نُصحي طلبني من بابا الحاج هههههههههه
_ يابت اِعقلي بقى .. الجواز هيجننك ليه كده .. قولي فيه إيه
_ ماما الحاجة وبابا عاوزينك توا
_ توا؟! هههههههه إنتي بتجيبي الكلام ده منين ..
.. تعالي نطلع سوا نشوف في إيه .. يمكن عريسك بايت عندكم ولا حاجة هههههههههه
_ يارب ياأبلة يارب
_ صباح الخير ياماما الحاجة .. صباح الخير يابابا الحاج
_ تعالي يازينب يابنتي صباح الخير
_ يلا يافريدة روحي أوضتك .. عاوزة أختك في حاجة .. واسمعي.. اِقفلي بابك وراكي واِبعدي عن الباب .. ماتركزيش معانا كالعادة
_ أنا ياماما الحاجة بركز مع حد .. انا ببقى عاوزة بس قريبة منك تحتاجي مني اي حاجة
_ لأ اِطمني أختك أهي هنا مش هحتاج منك حاجة
نعم ياماما .. خير ياحبيبتي في إيه طب هقوم أنا انزل المحل
_ أحسن برضو ياخويا عشان نبقى براحتنا
_ براحتنا .. خير .. هو فيه إيه ياماما
_ مافيش يازينب .. بقالك قد إيه متجوزة دلوقتي
_ يمكن سنة تقريبا .. ليه
_ أكتر من سنة يابنتي .. واحنا متعودين النت تحمل قبل كده بكتير
_ لسه ياماما .. لسه ربنا ماأذنش .. كله بأمر الله .. مش دي كلمتك دايما لينا
_ عارفة طبعا يابنتي .. بس برضو لازم نهم إحنا شوية ..
_ هنعمل إيه بس .. إحنا بإيدنا إيه
_ النهاردة تروحي مع أبوكي الحاج عند د عبد المنعم في الأجزخانة وهوهيتصرف
إلى اللقاء مع الحلقة 19
ربما تحتوي الصورة على: شخص أو أكثر، نص مفاده ‘السبع بنات 18 رواية رضا الحسيني’
📷
٤أنت، Adel Taha، Bahaa Saad Eldin وشخص آخر
تعليق واحد
أعجبني
تعليق
مشاركة
مجلة نداء الرؤح لفرسان الكلمات 