أكتر من كدا … أيه
حياتنا كلها لا مبالاه
اليأس بلغ بالقلب مداه
خلاص الموت زى الحياه
الضمير عن الحق تاه
ده عشان بعدنا عن الله
بنقول أيه إللى جرى
البشر ع الأرض أفترى
باع أخرته للدنيا أشترى
نهايته مدفون تحت الثرى
أيه إللى حيجرى يا ترى
أحنا مفيش عندنا أعذار
كل يوم ييجى لينا أنذار
واحنا على دربنا بأصرار
بنتعامل مع الجد بهزار
الجنة بقيت زى النار
دا مفيش م الموت فرار
الهم ع القلب أحمال
الوبا بوجودنا شغال
منتشر بكل مكان
سرق من بكرة الأمان
ربنا بينزل علينا آيات
إحنا مفيش عظات
مبنعرفش نتعامل بالأزمات
حياتنا كلها متاهات
ده كله من حب الذات
مبنخفش على بعض
الكل لغيره عض
ضاقت علينا الأرض
حبسنا ف البيت فرض
وجودنا صد فى صد
الغنى للفقير رد
البشر طبعه طماع
مفيش لنداء الحق سماع
فكرين فى الدنيا المتاع
أصحى وفوق يابيه
أكتر من كدا أيه
الكل شايف بعينه
محدش بيجيب الحق عليه
محدش قلبه رهيف
موش ده شيئ مخيف
لينا رب أسمه اللطيف
بقلم
عادل جاد
مجلة نداء الرؤح لفرسان الكلمات 