الحاله العربيه تفصح عن نفسها
ياعيد ميلاد حلم السنين
مرت سنه والحلم فين
آدي بلادنا وحالها حال
يطرح سؤال الحلم فين؟!
آدي الجواب
حلمى اتوءد يوم م تولد
يوم م اتحرق علم الوطن
من كام ولد وسط البلد
حرق ماضيه اللي كان
فجر التاريخ فخر الزمان
الحلم لسه ف الميدان
لسه مصلوب عالعيدان
في الكام شعار
لسه مطلعلوش نهار
حلمى اتخنق ويا الدخان
بيد اللي خان واللي باع
الحلم ضاع من غير وداع
الحلم مات ويا الامان
اللي اختفي من المكان
ويا الشموع اللي انطفت
قبل الأوان
وبرغم دم الكم شهيد
والكام جريح و دول تمنهم
راح زهيد!!!
طب اي عيد؟!!! والأمل لساه
بعيد!!!!
،
فكري هنداوي
مجلة نداء الرؤح لفرسان الكلمات 