قصيدة / مغرور
مغرور وفاكر شاغل حالي
وانت ولا اصلا على بالي
ب اشتري فساتين وانفخ بلالين
واتغدى كباب مع صحباتي
ياك فاكر إن انا شايله الطين
او باسهر باغسل في المواعين
او باترجاك بدموع العين
ده بعيد عن شنبك يا حياتي
ده انا رايقة وعايشة كده حياتي
ف كفاية غرور وتعيش ف الدور
انا ملكة وعارفة قيمة ذاتي
ولا يفرق عندي انك بتدوور
ولا انك فايق ولا مسطوول
ومعاك لسته ل ستات بالدور
الصبح تقضيه مع توتو
وف اخر الليل الست بدوور
ماهو اصل الدنيا مسيرها تدور
وتجيبك على عتبة دااري
وساعتها هاخد منك تااري
وهاقيدلك نارك من نااري
وتعيش درويش على باب داري
وتعيش بلا عقل ومش داري
وتجيني تقول انك شااري
وحياة أمك رقي ل حاالي
وساعتها هافكر يمكن ألين
أو اسيبك عايش كالمجانين
✍🏻هدى سيد
مجلة نداء الرؤح لفرسان الكلمات 