يالى… بيك مشغول
أنا بالى بيك مشغول
منايا تكون معايا علطول
نفسى أصرخ وأقول
حبك نار موش معقول
♡♡
صباح ورا صباح
الشوق عاد جراح
نسيت عمرى اللى راح
عايش بالحياة سواح
♡♡
آه من عذاب لعذاب
قلبى عن حبك ماتاب
دا بس لوم وعتاب
ماأنت أعز الأحباب
♡♡
بحلم كل ماأنام
تقربنا الأيام
أحضنك بهيام
وانسى كل الآلام
♡♡
ياترى ياحبيبى
جنتك من نصيبى
تطفى نارى ولهيبى
فراقك مرى وتعذيبى
♡♡
هفضل أستناك
روحى دايبة بهواك
عينى تحلم برؤياك
عايش على ذكراك
♡♡
بقلم
عادل جاد
مجلة نداء الرؤح لفرسان الكلمات 