بتحكي ليا عيونك
بتحكي ليا كتير
عن حاجات لسانك
صعب يحكيها
وسبب الصعوبة الخوف
وإنك كمان مكسوف
ومخبي عليا كتير
طب ليه تخبي وليه تداري
والنظرة فيها التفسير
عيونك ليا قالت
إنك محتاج الأمان
محتاج لشط حنان
والصدق فى التصوير
واحلام تكون من الواقع
متكونشي وهم كتير
عيونك ليا قالت
إن إنت جواك خوف
وليا السبب معروف
من غير ما تنطق بيه
النظرة باحت بيه
ومفسراه تفسير
من إبداعات
الشاعر
طه الروبى
مجلة نداء الرؤح لفرسان الكلمات 