سكنت حيهم
………………
ناس سكنو جوه قلبى
روحت سكنت ف حيهم
يمكن يوم يحسو بحبى
لما يلقونى قريب منهم
كل منايا وأحلامى
وبنيت عليها أمالى
إللى شاغلين بالى
القانى ساكن قلبهم
وانول رضاهم وعطفهم
الباب كان قصاد الباب
زرعت الأمل شجر لبلاب
بشوقى كل يوم أسقيه
مستنيه يدق على الباب
طال الإنتظار وانا جمبهم
بقيت محتار من طبعهم
ماأعرفش ليه أنا صدقتهم
ودوقة الويل فى حبهم
فالقلب كنت انا مداريهم
يفيض الشوق ويزيد حبه
النهار اسئل والليل اناجيهم
لو غابوا عن عينى حبه
بدوب انا لهفة وحنين
ساكن قصادهم ف وشهم
وهما بهوايا مش حسيين
وماليش مكان فى قلبهم
حظى كدا بشغل روحى
اوهب عمرى واضحى بروحى
بتعذب وبيا مش حسيين
بأيديا جانيت على روحى
قدامهم لكن مش شايفين
ولا بالهم منى واخدين
ياخسارة على كل السنين
إللى ضاعت في حبهم
………
بقلم الشاعر
الأمير _محمود
مجلة نداء الرؤح لفرسان الكلمات 