……. لوم نفسك …………. بقلم \ على ابو المجد

…. لوم نفسك …
لوم على نفسك ماتلومنيش
افهم ايه …؟ ماتفاهمنيش
حب ايه بتقول عليه
واصلا انت ماحبتنيش
…
ايه؟
كدبك ده مابيخلصش
عايش جوه عروق دمك.
فى أصول الحب انت ماتفهمش .
واللى يحبك داللى يهمك ..
بغرامياتك عايز تتمنظر..
يا عم روميو ماتلزمنيش*.
فاكرنى هصدق تانى كلامك.
واللا احن تانى لغرامك
لأ عيش بقه مع احلامك
وعن أى حب
ماتكلمنيش؟.
…&&..
لوم على نفسك
ماتلومنيش.؟
…تحياتى…….
..بقلم/على ابو المجد…
24/7/2021