بعد الورد بسمة
صباح الورد و بعد الورد بسمةِ
نفسي أضمك و الأشواق مبتسمةِ
صاير اسمك عم ببوس اسمي
لكن حاطط شي حاجز بالظلمةِ
صاير قلبك عم ببخل بالكلمةِ
و حبك طاير متخبي بالغيمة ِ
يا مسا الورد يا وردة اهتمي
أنا رح طولك لو كنت ِ بالنجمةِ
أنا رح سافر من تمك لتمي
ونبض الحب من دمك لدمي
روحي إنت ِ يا بحري و يا كرمي
عشقي إنتي من غزة للحمةِ..
مساء المجد يا قدسي يا أمي
صباح العشق من الفتحة للضمةِ
يا صباح الحُب..رافقتو للقمةِ
و نسر النصر ع جناحو النسمةِ
و صباح الورد اهديتو لبوسة
قطفو الشوق ضُمة بعد الضمةِ
صباح الشهد كتبتلي المحبة
و أنا الحرف رسمني بالرسمة
قطعت بلاد بضلوعي لشوفك
شلتي الخوف من درب هالأمة
تعالي إنتي يا نهري في حلمي
و عطر البدر سكبتو للنجمة ِ
صباح الوجد يا وردة التحمي
تعي بالوعد..و بحضني منسجمة ِ
سليمان نزال
مجلة نداء الرؤح لفرسان الكلمات 