بشكر الظروف.
عبدالله رجب ابوعدنان
بشكر الظروف
والأيام الحلوة
يا حبيبي لية مكسوف
وحياتنا غنوة
تعالى ف حضني
يا حتة مني
الله عليك واحشني
وقلبي عليك ملهوف
أنا بشكر الظروف
فية أية طمني
ولا يوم تبعد عني
هواك يا روحي دوبني
طيبتك و قلبك النضيف
أنا بشكر الظروف
مالك شايل الهموم
الحياة يا حبيبي ما تستاهلش
إنت نجم النجوم
وعلى بعادك ما قدرش
تعالى نغير حياتنا
ونفرح بكل أيامنا
لسة العمر قدامنا
تعالى واعمل معروف
أنا بشكر الظروف
ياما اتمنيتك تكون ليا
بحبك يا نور عنيا
إنت عندي اجمل هديه
برقتك و دلالك ف أول الصفوف
انا بشكر الظروف
فيها اية لو نعاتب
المهم نكون مع بعض
إنت حبيبي المناسب
وأنا كلي شوق و ود
وف غرامك دايب
وباقي ع العهد
وخلاص اللعب ع المكشوف
أنا بشكر الظروف
بشكر الظروف..
عبدالله رجب ابوعدنان
مجلة نداء الرؤح لفرسان الكلمات 