ظلم البشر..
عبدالله رجب ابوعدنان
اة من ظلم البشر
امسح دمعتي ف كمي
يا قلوب زي الحجر
فين ابويا وفين أمي
بلف كعب داير
والحزن توب وستاير
ودنيا بتهد فيا وتعاير
وناس بتزود ف همي
لا كلمة حلوة ولا حنية
كله لية عليا
نفسي افرح زي غيري
وما أشوف الدموع ف عنيا
حملوني حمل تقيل فوق حملي
يا خلق ايه ذنبي
الحزن صاحبي تملي
وشبعت مرار و آسية
ياما وقعت كتير
ياما شوفت عذاب
للاحزان بقيت أمير
وكله بيقفل ف وشي الباب
وما حد عليا بيسمي
ليه الجراح مكتوبة ليا
فاضل ايه تاني ها تعملوة فيا
متشكرين يا دنيا متشكرين ع الهدية
والمر ف حلقي
ياما قالو الدنيا حلوه
وبكرة راح تغني أحلى غنوة
ف كل مكان حوليا
ما شايف غير القسوة
وبدل الجرح بقى مية
وخلاص عادي ظلمي
اة من ظلم البشر
أمسح دمعتي ف كمي
يا قلوب زي الحجر
فين ابويا وفين أمي
ف كل مرة اتكعبل
وطوبه تصحي أحزاني
إزاي بس أكمل
ولسة الجرح الاولاني
سيبوني ابكي وابكي
اشكي الدنيا واشكي زماني
ظلم البشر..
عبدالله رجب ابوعدنان
شاعر الغلابة.
مجلة نداء الرؤح لفرسان الكلمات 