كل فارس وليه زمانه
والزمن ياما داوى جروح
قطف الزرع قبل أوانه
ولا عمره عليه بينوح
سمك مسكين فى بحره
صياد غشيم جاله
صاده بشباكه وسحره
خلاه نسى حاله
قطف الورود صنعه
مايتقنه الا ابو قلب قاسى
فيه ناس تقتلها دمعه
وناس تفرحها المأسى
على مين يلوم العليل
وهو عارف سبب عياه
الطبيب مش بخيل
هو عاجز عن دواه
والعله مره مرارة القرض
والقلب قال ألف أه وأه
العله مش علة مرض
غيرش جرح الحبايب كواه
نصيحتى للى يبات الليل
قلبه يصرخ واللسان اخرس
اجمد ياواد وشد الحيل
دوس عالوجع وادهس
المحبه مايطلبها إلا ضعيف
ويمنحوها للى قلبه منافق
خليك فى عز الخصام شريف
لو حتى علقوك عالمشانق
لا انت اول اللى ماتو
ولا اول المخدوعين
غنى غناك لليالى اللى فاتو
وطبطب على الموجوعين
لو حتى لميت الشبك فاضى
رزقك على الله مضمون
خليك بالوجع راضى
ربك رحيم وحنون
اتمنى من الله يستر
ويشفى القلوب والروح
كرم مولاك اكبر
من اى عذاب وجروح
حواديتعمشحاته
شحاتهعلىابودرب
مجلة نداء الرؤح لفرسان الكلمات 