،،عايش عشانك،،

طيب ليه تخبئ
بسمتك وسط الهموم..
وزاي تقولي كويسه
والجسم موجع في الهدوم.. بداري جواكي الألم
مش عايزه اعاتبك أو الوم..
وزاي اشوفك متعذبه
ويجيني نوم..
وانا شايف الاحزان بتاكل
في الجسد يوم بعد يوم..
دا بكره تدبل وردتك
زي اللي مدمن بالسموم..
لي تموتي جواكي فرحك
زي القمر اللي خنقاه الغيوم..
فكي قيودك م الألم اتحرري
صحي نبضك في الوريد
كفايه نوم..
للقلب افتحي باب للسعاده
والامل ماتخلهوش مهموم..
عايش الحياة وانسي الجراح
دا العمري يوم..
بلاش نقول حكم القدر
ولا ع النصب هنلوم..
الحب ليه نقفل عليه
جوا القلوب مكتوم..
مع أنه مذكور في الكتب
زي الصلاه والصوم..
ابني حياتك من جديد
وانسي الهموم..
بقلم/أحمد سيد
،،فهد الصحراء،،