البدايه وكنت عايم في ظلمة رحِمها
وإنت وبحِملك التقيل عليها إلﻻ إنها
ماياما شالت همك نسيت بيك همها
وما إتململت لما رفستها في جنبها
إنت تعبتها هي طبطبت على بطنها
يا ضناها وهي حَموله بتغذيك دمها
خرجت للدنيا ضمتك ودفتك بحضنها
كنت بتصرخ وهي تداديك يا صبرها
لما تحضنك تبدأ معاك حكاية عمرها
سرسوب حياتك برضعه من صدرها
بالحنان والأمان ببسمتها في وشها
تزحف تاتا تاتا وتربطك في خصرها
لما تكبر تبقى طولها وتحقق حلمها
تبقالك شمس تدفيك وتحميك بظلها
سهرانه قمر ونيس يسامرك حسها
وتحرسك ماتكل ومهما تعبك هدها
تتعبها وهي برضا تدعيلك من حبها
تتمنى لك تجوزك واحده تكون زيها
مايحس كلمة أم إلا من إنحرم منها
تعرف فضلها لما تدوق المر بعدها
أعجبني
تعليق
مجلة نداء الرؤح لفرسان الكلمات 