( ولدي)كلمات/صبري حسين
يا ولدي
يا ابن قلبي
ليه تخلي اهتمامك بي مجرد يوم
ده انا شلتك في بطني شهور مش يوم
قلبي كان بيتقطع لما اشوفك مهموم
ياما سهرت جنبك وانت محموم
لما تقول آه يخاصمني النوم
يا أبن قلبي
يا حتة مني
احتفالك بي مش عايزاه بالكلام
كل اللي محتاجاه منك شوية اهتمام
تسأل عني
تسمع مني
تكون دايما عارف اخباري
شايف كل أحوالي
تاخد بحسب
كل الدنيا ماتسوي عندي
زي طبطة ايدك علي كتفي
يا ابن قلبي
ليه بتبعد عني
بعدك بيقطع قلبي
بيجري دمعي
انا لا محتاجة هدايا
كل اللي محتاجاه قربك مني
يا حبيبي يا ابني
صوتك وحشني
دايما حاضنة تليفوني
مستنية منك كلمة
تطمن قلبي
جبت القسوة دي منين
ده انا عمري ما قسيت عليك
دايما كنت ببديك علي نفسي
دايما أقول المهم ابني
كنت لما بشوفك سعيد
كان يبقي عندي عيد
يا نبض قلبي
انت حتة مني
صدقني يا قلبي
انا مش محتاجة حاجة
انا عليك خايفة
لاني للدنيا فاهمة
عارفة أن كل اللي بتقدمه
بكره هتلاقيه
يا خوفي عليك يا خوفي
مش عايزاك تعيش نفس شعوري
خايفة من غضب قلبي عليك
يا ابن قلبي
أرجع تاني لحضني
سعادتك في رضائي عنك
أمنك في أماني
اوعي تكون جاني
يا ابن قلبي
افتكر كلام رسولنا الكريم
عليه افضل الصلاة واتم التسليم
امك ثم امك ثم امك
سبحانه أمر في القران
تعاملنا بالاحسان
يا ابن قلبي
ارجع لعقك
فوق من نومك
استغفر لذنبك
رضائي من رضا ربك
يا ولدي. الاحتفال مش بالكلام
ولا مجرد يوم من العام
احتفالك الصح بالاهتمام
خلاصة الكلام
أفعل ماشئت
كما تدين تدان
صبري حسين
١Mansour Benmansour
تعليقان
أعجبني
تعليق
مجلة نداء الرؤح لفرسان الكلمات 