لما تدور
عمر طويل بتدور على
جوهره نادره من ماس
و تلاقيها صدفه كهديه
مهشمه من جوه بس ببريق
ولما توصل لها وتقرب منها
أو يخيل اليك من سحرها
انك ملكت روحها و احساسها
وقلبها و بقيتوا صحاب واحبه
وانك تحس انها بدر كامل
جاى لك لوحدك فى السما
وتنسى بعقلك ان القمر
زى ما بيجى فى ميعاد
بيغيب فى لحظه بدون
إنذار فى وسط السحاب
وزى ما نستنى النسيم
فى عز حر يزورنا
ساعات يجينا ويطل
بعطر الزهور والريحان
وساعات يضن على
المشتاقين ويغيب كتير
ومهما وصفت فى جوهره
مفيش كلام بيوفى
إنما الأصل فى الكلام
أنه ساعات يكون خيال
ساعات بنرسم أمنياتنا
على ورق و نلونه ونطقه
ونصدق أنه الحقيقه المطلقه
وأنه شمس النهار
لكن الحقيقه الموجعه
انك تفوق من حلم بكابوس
انك تلاقى الجوهره
اتحولت فجأة لكوم ازاز
أن السهم صابك بمقتل
وان الهداف خبير بوجعك
وأنه مصر يؤلمك كأنه ثار
وأنه جالك بنيه مسبقه
لأجل ما يصفى الحساب
والحساب مكانش ليك
لما تلاقى النسيم انقلب
رياح و زعابيب الخماسين
اقول لمين انى صادق وأمين
ولا ازاى انسى الخداع
ولا اقول تجربه ذادت وجع
ومشيت مع اللى باع
كل جنونى أن مفيش سبب
الا طباع لقيمه متأصله
أن مكانش فيه فرصه وداع
وان الوجع من شدته
خلانى ادمر كل شىء
خلانى اصرخ بعلو صوتى
ليه بس الحلم ضاع بالخداع
كفايه بقى ادور على كنوز
وكفايه اقول حب وروح
اكون انسان من حجر أو خشب
افضل ما اكون مقتول
والقتل فى حد ذاته هو
الخيانه هو النداله ويا الهروب
محمد فوزى العليمى
٢Mansour Benmansour وAbdullwahab Almuwallad
تعليق واحد
أعجبني
تعليق
مجلة نداء الرؤح لفرسان الكلمات 