((( ياشوق ))) بقلم الشاعر الغنائى محمد البريمى

شعر غنائى ..

((( يا شوق )))

يا شوق تعالى أما أقولك .. روح لعند حبيبي و سلم ..

أنا قلبى شاغلى عليه .. و عشانه بأتلم ..

إنت القريب منى .. إنت إللى بتصبرنى ..

لما بأحكيلك بأرتاح

.. و أبوحلك بلى ف قلبى و أتكلم ..

يا شوق تعالى ..

من يوم م غاب حبيبى .. و عنيا بتبكى بالدموع ..

لا إرتاحت يوم ف ليلها .. و النوم عنها ممنوع ..

أعمله إيه يا شوق.. و الروح و اخدها معاه ..

و انت الحل ف إيديك .. يا تريحنى يا تسيبنى مخدوع ..

يا شوق تعالى ..

أمانه عليك يا شوق .. م تسبنيش كده حيران ..

أنا متعشم فيك الخير .. إنت صاحبى من زمان ..

بينى و بينك عشره قديمه .. من أيام أفلام السيما ..

أنا عمرى م أنساها أبدآ .. طول م فيه بعد و هجران ..

يا شوق تعالى ..

بقلم الشاعر الغنائى ..

محمد البريمى ..

١فهدالصحراء الجرئ

تعليق واحد

أعجبني

تعليق