………. إسمعي يا نبض قلبي…………
….. ….. …… …… …… …… …..
إسمعي يا نبض قلبي
ياللي أنتِ حته مني
ياحبي الوحيد
أسمعي بس هقولك
كلام قليل لكن مفيد
هقوله مره واحده
ومش هعيد ولا هزيد
مهما ظنيتي فيا
وحياة دموع عنيا
بحبك ده شئ أكيد
ومهما بعدتي عني
وزودتي في التجني
حبك في قلبي بزيد
يانبع صافي ليا
والرقه والحنيه
أنا بين إديك وليد
ياحضن دافي عليا
ودعوة امي ليا
عنك لا يمكن أحيد
حني ياروح عنيا
وبلاش تقسي عليا
محتاج حضنك أكيد
ربي يخليك ليا وبيك
اكون سعيد
يا نبض قلبي كله
عقلي بفكرك شريد
هيمان أنا كلي فيك
عاشق جمال عنيك
وصلك يا قلبي أريد
قربي مني وحاكيني
وجوه رموشك شليني
وضمني مابين إديك
وسقيني حب صافي
وبلاش قلبي تجافي
أنا أصلي بموت عليك
روحي متعلقه بروحك
متزوديش جروحك
بالغالي قلبي شاريك
قربي ياروحي حبه
تزيدي بقلبي محبه
أنا أصلي بحن ليك
عاشقك بكل روحي
يا قلبي وكل روحي
هيمان أنا كلي بيك
بلاش تظني بيا
وتبكي فيك عنيا
والله بموت عليك
ماليش بالدنيا غيرك
بنيت عشي لطيرك
ووهبت عمري ليك
ياللي انتِ حته مني
روحي وكل التمني
خديها كلمه مني
والله بموت عليك
والله بموت عليك
بقلمي سليم الغنام
٣Mansour Benmansour وشخصان آخران
٥ تعليقات
أعجبني
تعليق
مجلة نداء الرؤح لفرسان الكلمات 