( دمعة فرح ) :
فرقوا حرقة دموعكوا ع الشوارع
خلوها تروي الأرض وتفيض ع المزارع
يمكن تخلي ربيعنا يطلع في الخريف
او تبقى شعله للمكن جوه المصانع
فرقوا الدمع اللي سايل ع الخدود
ودعوا حزن واسى فاق الحدود
يمكن نبدل حزننا فرح وهنا
يمكن نبدل ياسنا زهر وورود
امسحوا الدمع ف عينيكوا دمعه دمعه
مش عايز اشوف جوه العيون غير ضحكه لامعه
نفسي نبدل حزننا بسمه وضحكه
والدنيا تبقى لفرحنا شاهده وسامعه
خلينا ننعم بالسعاده كلنا
ونودع الدمع ف عينينا وحزننا
ونعيش باقيت العمر ايامنا ربيع
وبدال ما نبدر دمع نقطف فرحنا
وبدال ما نبدر دمع نقطف فرحنا
بقلمي الشاعر جمال زكي عينر
أعجبني
تعليق
مجلة نداء الرؤح لفرسان الكلمات 