((( أم الشهيد ))) بقلم الشاعر الغنائى محمد البريمى

رثاء ..

رسالة أم لإبنها الشهيد ..

((( أم الشهيد )))

أنا إحتسبتك يا ولدى .. عند المولى المجيد ..

إنت ف الجنه و نعيمها .. ونا أم الشهيد ..

يارب إلهمنى

الصبر من عندك .. إبنى ضنايا نور عينى ..

إبنى الأوحد ماليش غيره .. و إنت الأحن منى عليه أكيد ..

أنا إحتسبتك ..

ياريتني كنت بدالك يا ولدى .. ولا أنحرم العمر منك ..

حيطان البيت بتسألنى عليك .. ونا بأحكيلها تملى عنك ..

عن شجاعتك عن بطولاتك .. عن شهامتك عن إخلاصك ..

عن إيمانك و ثقتك بالله .. و إعتزازك بإسمك ووطنك .. طنك ..

أنا إحتسبتك ..

صعب يا ولدى إن أنساك .. و إنت واخد روحى معاك ..

صورتك عايشه ف البيت معايا .. ونا على طول يا حبيبى فاكراك ..

صعب أنسى إشراقة الصباح .. و الزرع الأخضر و العطر الفواح ..

و الورده و إنت بتقدمهالى بإيديك .. و الإبتسامه ملو عنيك و الفرحه بترقص جواك ..

أنا إحتسبتك ..

أنا مش زعلانه يا ولدى عليك

.. قد منا سعيده و فخوره بيك ..

رفعت راس كل مصرى وطنى .. من قلوبنا بنهنيك ..

إنتى فخر و عز بلادك .. يلى صونت عرض إخواتك ..

و رجعت الحق لأصحابه .. ولا خوفتش من النار إللى حواليك ..

أنا إحتشبتك ..

بقلم الشاعر الغنائى ..

محمد البريمى ..

٢Ahmad Hamada وشخص آخر

تعليق واحد

أعجبني

تعليق