اهلا رمضان
خرج الهلال
والليالى الحلوه هلت بالسلام
وتعلقت كل الكهارب والزينات
وبدئنا ننوى بالصيام
وهنحيي احلى الامسيات
بالتراويح والقيام
ولمة الاهل الجميله
ع الموائد فى الفطار
وكنافه بالقشطه وقطايف
مع تمر وشوية لطايف
والكل قاعد فى انتظار
مستنى على صوت الاذان
وبصوت ملايكى من السماء
يخرج علينا الشيخ رفعت
بأسم الله نشكر ونسمى
والبطن وقتها بتزغرط
يارب شربه من الكوثر
تروينا فى يوم الظمأ
ويارب صحبة نبينا
من غير حساب ولا عتب
بقلمى *** محمود طنطاوى
أعجبني
تعليق
مجلة نداء الرؤح لفرسان الكلمات 