أهلا رمضان
وجيت خلاص
يا احب الشهور عندى
يا شهر الكرم والجود
ونحمد ربنا الخالق
لكل شىء موجود
و نوينا الصيام بعد الرؤيه
و أغتسلنا بروحنا وأتوضينا
والنيه معقوده بالجد وعزم
بالفوز بنعمة الصيام
والشوق للجنه والغفران
من رب كريم و ودود
بيدلنا على الخير والجود
على كل فضائل الاعمال
والذكر والاستغفار والقرآن
خسران يالى مش حاسس
بفضل الشهر الكريم ونعمه
و تسيب لحظه بدون ذكر
تعالوا يالا يا أهلى و أحبابى
نستغفر الرحمن ونطلب عفوه
و نصلى على النبى العدنان
صلاتنا عليه أمر بالقران
وفرض علينا حبه وتوقيره
وايه اجمل من ذكر حبيب الله
وأن الصلاه على افضل خلق الله
فرض وسنه ونعمه جليله
و بتفتح كل أبواب الخير
شهر رمضان كله تسامح
والمحبة والسلام أمام
والتراويح وصلاة الفجر
وتطهير النفوس من غل
يارب بكرمك ورحمتك نفوز
و بعظمتك تقبلنا نكون عبيد
نكون مقبولين فى جنات رحمتك
ورضاك عن عبيدك اغلى هدف
هو غايه ووسيله وتوسل ورجاء
ودعاء ويا بكاء ويا حسره وندم
أننا قصرنا كتير فى شكر نعمتك
يارب كمل علينا منك وجودك
ونفضل لأخر العمر نستغفر
ذنوبنا واللغات والزلل ونشكرك
نتنعم بكرمك والبركات كلها
فى شهر الرحمه والمغفره
دعوه صادقه من كل مؤمن
يارب تقبلها وننول الرحمه
والمغفره والعتق من النيران
انا بدعى وابتهل لكل الناس
نكون صحبه من الفائزين
برضا ربنا عنا فى اجمل ايامنا
و بشفاعة سيد الخلق
واعظمهم نكون مخلصين
بالصلاه و محظوظين بالقبول
واخر كلامى سلام ودعاء
ويا الصلاه على خير الانام
سيدنا ونبينا وحبيبنا سيدنا
النبى الف سلام والف صلاه
بكل حرف وكلام الله وعلمه
وإعداد كل مخلوقات الأرض
والسماء تقبلها يا رب العالمين
…. محمد فوزى العليمى
أعجبني
تعليق
مجلة نداء الرؤح لفرسان الكلمات 