( المسحراتي)كلمات/,صبري حسين
( 4 )
مسحراتي
انا المسحراتي
ادق علي طبلي
بنادي علي اصحابي وجيراني
يا نايم اصحي
كفاية نوم
ده احنا في شهر الصوم
بسرعة بقينا ثالث يوم
الصوم بركة
محتاج للحركة
ليه دايما كسلان
طول اليوم نعسان
ولو صحيت تبقي زهقان
بتتكلم مع الناس وانت قرفان
بالذمة ده أسمه كلام
فين الفايدة من الصيام
ليه تقضي يومك نوم
ياصحبي ده لا عتاب ولا لوم
دي نصيحة من واحد بيحبك
من قلبه خايف عليك
اصحي سيبك من النوم
كلها كام يوم
ويودعنا شهر الصوم
الصيام عمره ما كان كسل
الصيام احلي من العسل
الصيام بيجيب الصحة
بيشفي اي علة
ده مش كلامي
ده كلام نبي الرحمة
صوموا تصحوا
ياللا قوم دوس علي الكسل
اغتنم موسم الطاعات
الحق حقك من النفحات
خد نصيبك من البركات
ادخل سوق الطاعات
مسحراتي
عليكم بنادي
يا كل اهلي وأصحابي
الصيام مش للنوم
الصيام بيخرجنا من الهموم
يا مسلمين يا موحدين
خليكم للدين فاهمين
قال رب العالمين
كتب عليكم الصيام
كما كتب علي الذين من قبلكم
لعلكم تتقون
والتقوي محتاجة قلب وعقل سليم
ربنا يجعلنا وإياكم من المتقين
كل عام وانتم طيبين
رمضان كريم
صبري حسين
أعجبني
تعليق
مجلة نداء الرؤح لفرسان الكلمات 