،،،،،،،،،،،(24شهر مارس)،،،،،،،،،
في الشتا والبرد بينادي نجومه
كل نجم مستخبي في هدومه
خلا كل الليل ظلام
وكل قلب بيفتكر في الليل همومه
وإلتقتني في عز ليلي
ويَّا نجمة معاها ويلي
من زمان كانت دليلي
تهت ويَّا النجمة مرة
يوم دخلنا في المجرة
هى جوه وقلبي برَّه
والزمان وخداه مضرة
والليلادي لقتني وحدي
وهي جانبي أغلى درة
قلبي داب ويَّا الغياب
ليه بقى فتح الكتاب
والكتاب صفحات عذاب
كل صفحة ليها باب
وكل باب له خساير
قلت أخرج أجيب سجاير
خدت نفسي وقلبي حاير
على محل فيه بقالة
إنتابتني ألف حالة
كل حالة في إستحالة
قلبي فط مني حاير
والكلام شايل كلام
والحنان شايل حنان
والعينين شافت سهام
هي دي اللي في المنام
اللي شغلاني في ليلي
واللي منها كل ويلي
بعد زمن جايه تناديلي
في شتا ليله في مارس
وأربعة وعشرين في يومه
طيرت من قلبي نومه
والسنة ألفين وستة
قطعتني أ لف حتة
بالعينين جايه تمارس
والسهام على القلب ديما
وانا قلبي مالهش حارس
قالت لي انت فاكرني
قلت حد ينسى فارس
كل أحلامه وحواسه
والا’ حد ينسى سايس
الحصان اللي داسه
قالت لي فاكر
قلت فاكر
الليالي فيها اذاكر
الحنان اللي بمشاكل
والغرام اللي بعساكر
والزمان لو لسه فاكر
ذكرياتنا في كل ركن في الاماكن
ويَّا نجمة ولونها فاتح
ويَّا نجمة ولونها داكن
واسألي حتى النهار
اللي لف وبينا دار
واللي فكر في إختيار
واللي كسر في المساكن
واللي جاني بإنهيار
لما سقطي في الاختيار
واخترتي البعد لكن
الغرام لساه في قلبي
كنت نفسي تنادي ألبي
من دموعي عملت دربي
حتى في اللحظة مااخبي
إني عاشق بإختصار
وإني طالب قربي منك
وان حضني هو حضنك
وابتسامتي في إبتسامتك
والكآبه هي حزنك
نفسي لحظة في يوم اضمك
رغم ظلمي رغم ظلمك
انت وحدك المدار
اللي لحظة تدوسي فيه
بالأنامل تشغليه
واللي قلبك دا واديه
واللي دمك يجري فيه
واللي غاويه تعذبيه
ولاكنت بترحميه
وتخدي وحدك القرار
قالت .. انسى وافتكر بس الليلادي
قلت انا في حبك أذاكر
لسه عايزك لسه عاشقك
لسه أمسي إيديه في باكر
قاطعتني في الكلام
ورمتني في المحاجر
عرفتني على الغلام
قالت ابني اللي تعابني
إلتفت ورحت رايح في الغيام
والسؤال شق الزحام
إتجوزتي ياسهام
قالت وعايشه في سلام
خدت شوقي ورحت طاير
مااشترتش كمان سجاير
لعنة الله ع. السجاير
ضيعت حتى البشاير
والليالي والمنام
اللي مات منها الكلام
رحمة الله على الزمان
اللي قلبي فيه ولايص
واللي اسمع فيه هواجس
وإلتقتني اشكي نفسي
واشكي حتى شهر مارس
اللي جاني بالهموم علشان امارس
واللي جاني بالآلام
من آلامه ألف حارس
بالهموم بدأ الكلام
بالدموع مابقتش فارس
يوم ماضاع مني اللجام
،،،،،،،،(شعر)،،،،،،،،،،
عبد الله السايح
24/3/2006
٣Sohail Ostaz، ابو رامى الاسواني وشخص آخر
٦ تعليقات
أعجبني
تعليق
إرسال
مجلة نداء الرؤح لفرسان الكلمات 