بمناسبه احتفالات نصرجيشناالعظيم 10 رمضان
………. مصر أمى ………….
قلت يامه ايه جرالك
شايف الدمعه ف عيونك
لابسه طرحه وايده نارك
لسه مش فاهم شعورك
مصر امى قالتلى دارك
قلت يامه انا رهن طوعك
اوعى مره تنام وتغفل
تلقى غازى كسر ضلوعك
خلى اخوك سندك وجارك
يبقى شمسك يوم سطوعك
واوعى مره تخون ياولدى
او تبعينى تسد جوعك
دا اللى فرط يوم بأمه
واللى باع ولا حد همه
واللى دمر يوم بوطنك
اوعى تاخده تحت طوعك
وانا امك دمى دمك
ابقى وطنك لو يهمك
يوم ماتسمح يوم بزلى
يبقى مش هطلب رجوعك
قلت يامه فداكى روحى
مصر انتى وبيكى همى
واى عادى طمعه فيكى
يبقى يومها دفاعى دمى
امسحى يامه دموعك
دانتى ليكى شعب صاحى
اما جيشك بالنواحى
كل همه يصون ربوعك
مين هيقدر يجى ليكى
وانتى شعب وجيش راعيكى
ساب عيونه ودمه فيكى
والاله اللى حاميكى
كلنا فدا لعيونك
ضحكت امى وداعتلى
ربي يحفظ ليك سطورك
قلت يامه ربي
يعلى بيوم سطوعك
……….. احمد عامر …………….
ننوه ان ماينشر حق مسجل بالهييءات المنوطه بذلك 7510/2020 س م ب
١١
تعليق واحد
أعجبني
تعليق
مجلة نداء الرؤح لفرسان الكلمات 