( المسحراتي )كلمات/صبري حسين
( 12 )
مسحراتي
انا المسحراتي
بدق علي طبلي
اصحوا يا اهلي وجيراني
اصحوا يا كل احبابي
بسرعة مر تلت رمضان
مرت ايام الرحمة
دخلنا علي ايام المغفرة
ربنا يجعلنا من المرحومين
في هذا الشهر الكريم
أيامه بتجري بسرعة
الحق نفسك يا غافل
خلي حبلك مع الله واصل
سبح واقرا القرأن
تهجد بالليل
رطب لسانك بذكر الرحمن
احنا بدأنا ايام الغفران
الايام الحلوة بتجري أوام
بتمر مرور الكرام
شوف لسه من كام يوم
كنا بنقول اهلا بشهر الصوم
صدق الله العظيم
قال في الذكر الحكيم
ايام معدودات
عايزين نتعرض للنفحات
ونزود الحسنات
ونبعد عن السيئات
ونكثر من الدعوات
احنا في أيام مباركات
مسحراتي
بذكركم ويذكر نفسي
بأعمال ترضي ربي
عايزين نكثر من الصدقات
ندعو الله أنه يرفع عنا الغمة
ويهدي شباب وبنات الأمة
ويرفع عنا البلاء والغلاء
وينجينا من الوباء
يا مسلمين يا موحدين
اغتنموا هذه الايام المباركة
عدت ايام الرحمة
يارب نكون مع من كتبت لهم الرحمة
اهو دخلنا علي ايام المغفرة
ربنا يجعلنا من أهل المغفرة
ويعتق رقابنا من خزي النار
ويجعلنا من المتقين الابرار
مجاورين النبي المختار
في جنات تجري من تحتها الأنهار
برحمتك يا عزيز يا غفار
يا مسلمين ياموحدين
اغتنموا ايام الشهر الكريم
كل سنة وانتم طيبين
رمضان كريم
صبري حسين
أعجبني
تعليق
مجلة نداء الرؤح لفرسان الكلمات 