قلة أدب
00000
قبل مايكبر العيل بنعلمه
حروف الكلام
يقول بابا وماما وإزاي
يرد السلام
وفيه اللي بيعلمه
إزاي
يرد الشتيمه
وتف علي عمو
عشان
مالوش قيمة
مابقوش بيهتموا
يعلموه الادب
وردد كلام الأغاني
وإفيهات السيما
……
هايجيب الأدب منين
و عالعناد ربوه
شايف أمه كل يومين
نازله شتيمة في أبوه
وأبوه دا صاحب مزاج
بيجري ورا كيفه
والواد لما كبر
من غير رباية سابوه
……..
طلع الولد للأسف
عاشق صحاب السوء
مشي في طريق العربدة
وشيطانه فيه بيسوق
وعشان ماكيفه يتظبط
عايز يوماتي فلوس
ويمد إيده عليهم
قال إيه عشان مخنوق
…….
ولما كبروا ياناس
وضهرهم إنحني
مابقاش يهمه خلاص
بيهم ياناس يعتني
وعليه بيلوموا ليه
من إمتي زَرَعوا فيه
إحساس في يوم يكفيه
ولا حسوا معني الضنا
الشاعر د/شرف الدين فاروق أحمد
أعجبني
تعليق
مجلة نداء الرؤح لفرسان الكلمات 