((( إنتى ياعمرى ))) بقلم الشاعر الغنائى محمد البريمى

شعر غنائى ..

((( إنتى يا عمرى )))

إنتى يا عمرى أجمل هديه .. بعتهالى رب العالمين ..

كنتى الوردة إللى بأدور عليها .. جيتى و نورتى الدنيا برقتك و عيونك المسحوين ..

دا كفايه بس نظره منك ليا .. نظرة

كلها محبه و حنيه ..

كل دول كفايه عليا .. راح هأعمل إيه بالملايين ..

إنتى يا عمرى ..

ربى يسعد كل أوقاتك .. و يزيدك عقل على عقل و يزيدك كمان حسن و جمال ..

يا غاليه الغاليين يا ست الستات .. يلى حبك م خطر على بال ..

مهما أكتب فيكى و أوصف .. القلم يعجز و الحرف يخاف يقول و يتكسف ..

إنك آيه من آيات الله .. محدش لسه وصلك لأنك فوق الخيال ..

إنتى يا عمرى ..

الحب معاكى بقاله طعم تانى .. و لون و شكل جديد ..

حتى الأحلام و الأمانى .. بقوا زى يوم العيد

الآيام المره آهى راحت نسيتها .. و شموع الأمل نورت من تانى و قادت ..

أنا قبل م أشوفك كل ده كان لاشئ .. صبح الوهم شئ حقيقى و أكيد ..

إنتى يا عمرى ..

انا ممنون ليك يا رؤؤف .. ع الصدفه الجميله ..

بقالى ف الدنيا ذكرى .. و أحباب و عيله ..

بعد رضاك مش عايز حاجه تانى .. كفايه إنى أعيش ف الجنه لو ثوانى ..

كل إللى تقسمهولى أنا راضى .. كفايه أشوف السعاده ف عيون حبيبتى ليالى طويله

إنتى يا عمرى ..

بقلم الشاعر الغنائى ..

محمد البريمى ..

١١

تعليق واحد

أعجبني

تعليق