قصيدة / لَوَاحِظْ ( عامية مصرية )
للشاعر / أشرف محمد السيد
………………………………………………….
لواحظ إللي اشتكت م العدس واللحمة
واقفة ف طابور وحدها وبتشكي م الزحمة
الغلب فى وشها وبتطلب الرحمة
………. ……….. ……… ……..
الظلم فى عصرها بين الجميع داير
والعقل زى الهوا للندل بيساير
والوحشة من كهنها قرعة وبضفاير
……….. ………… ………. ……. ….
الحظ لو يوم ضحك إبسط وعديلوا
ولو حبيبك غلط طنش وعديلوا
الدنيا فيها العجب تاخد وتديلوا
………. ………… ………. …………
لواحظ اللى هنا جامدة ومزبوطة
شالت هموم البلد العيش مع القوطة
الصبر من طبعها واللغز ف الفوطة
…….. ……… ……….. ……………
أقدار وفوق البشر راكب مع الماشي
اوقات تكون عنترة اوقات تقول ماشي
ولو الرخيصة غلت برضوا ماتسواشي
……… ………. ………. ………..
حظ السعيد انكتب بالحبر والمية
والفقري حظه عفش ف الرايحة والجاية
الفقر جنبه إتزرع بدل الخازوق مية
………. ………. ……… …………
لواحظ إنتى بقي فايقة ومبسوطة
بدري عليك القرف دا انتي صغنطوطة
هسيبك أنا بقي واجري لفطوطة
*……………………………………………….*
٣٣
١٠ تعليقات
أعجبني
تعليق
مجلة نداء الرؤح لفرسان الكلمات 