أخويا …. أعز … الناس
*********
أخويا بحبه موعود
دا بحبه اصلا مولود
أخويا عمره ماكان قهرى
بالأزمات ألاقيه بضهرى
دخوله عليا بيمح الهم
دا فيه حنان الاب والأم
الدم اللى بعروقنا واحد
دا انا من ملامحه واخد
دا لو يزعل بيوم منى
الهنا يهرب خالص عنى
الأخ نعمة من إلآله
دا هو جمال الحياه
أخويا صاحبى وصديقى
هو الهداية لطريقى
دا لو يتعب ويتألم
أدعوله يارب سلم
بيحس بيا من غير ما أتكلم
الوجود من غيره ما يلذ
هو ف الحياه أعظم كنز
دا مهما العمر بيطول
بحمد ربنا ع الكنز ده علطول
دا هو الدفا والنور
على سمعتى تملى غيور
لو حد يهنى دمه يفور
ربى بارك بصحتة والجسد
وأكفينا يارب شر الحسد
يارب طول فى عمره
سهل له يارب أمره
يارب لينا العمر ساعد
وللشيطان عنا باعد
دا منايا هو مناه
نفسه ليا حياه
أخويا عبير الأزهار
بسمته ليا بترمى ثمار
الجنة من غيره نار
لو الوجود كله ليا يخون
أخويا تملى ليا يصون
بكتب بحرف كله أحساس
أخويا أعز أعز الناس
بصوا وأفهموا ياسادة
عشان تلاقوا السعادة.
الأخلاص أساس العبادة
**********
بقلم
عادل جاد
٣عادل جاد وشخصان آخران
تعليق واحد
١٠ مشاركات
أعجبني
تعليق
مشاركة
مجلة نداء الرؤح لفرسان الكلمات 